曼联今季请来坦哈格执教，唔少球迷都对呢位荷兰名帅有憧憬，但红魔鬼名宿加利尼维利就对球队唔多乐观，预言曼联今季入唔到前4位。
加利尼维利话：「我认为以曼联目前阵容，今季应该入唔到英超前4位，但如果签到法兰基迪庄，再加多1位前锋，咁又另计。」
加利佬进一步批评曼联组军工作比预期慢：「曼联上季有唔少问题，但今季情况更加困难，因为会方未能根据坦哈格要求，尽早签入所需要球员，曼联历任领队都面对压力，但我唔会畀坦哈格压力，始终佢仲未签到想要嘅球员，唔似阿仙奴领队阿迪达已经执教3季，用咗好多钱买人，所以要交出成绩。」
加利尼维利呢番说话真系一石二鸟，帮坦哈格减压之余，仲将压力转移去阿迪达身上。
