C朗拿度向曼联提出转会要求，但一众欧洲豪门都耍手拧头，马德里体育会、拿玻里等就有心无力，不过C朗近日又多一条出路，巴甲劲旅哥连泰斯会长表示，球会有意研究签入C朗嘅可能性，虽然自知机会唔大，但强调「发梦冇罪」！
哥连泰斯会长蒙迪路艾维斯日前表示：「冇错，我希签C朗嘅梦想，有冇可能我唔知，我哋仲未作出行动，但会密切留意事态发展。韦利安同连拿度奥古士图依家唔系效力紧哥连泰斯咩？足球场上乜都有可能，我有责任为哥连泰斯球迷带嚟最好球员，试想如果C朗突然间想喺巴西踢波......」
虽然话发梦冇罪，不过唔少哥连泰斯球迷都知道C朗冇可能加盟，直指蒙迪路艾维斯只系「吹水」，如果C朗想离开欧洲，沙特阿拉伯富豪球会嘅开价都比哥连泰斯更吸引。
