南韩前锋孙兴民上季勇夺英超金靴奖，证明亚洲球员喺欧洲立足嘅能力，狼队亦打算食呢阵「韩风」，据报正向波尔多斟介南韩前锋黄义助加盟，有望撮合黄义助+黄喜灿嘅「太极虎」锋线。
法国《队报》消息指，波尔多今季降班法乙後，需要卖走球星套现，对上2季喺法甲都有双位数入波嘅黄义助就系其中之一，报道指首次开价250万镑被拒，但呢位29岁前锋只系得番1年合约，狼队只要再加码应该就可以达成交易。
狼队本身已有南韩前锋黄喜灿，佢同黄义助喺南韩国家队合作无间，黄义助喺2018年更曾击败孙兴民当选南韩足球先生，如果呢对「太极虎」锋线可以喺英超亮相，将会好有睇头。
