C朗想离开曼联成为球坛热话，红魔鬼名宿加利尼维利发表伟论，认为呢位昔日队友之所以执意离队，好大原因系经理人背後搞事，但既然C朗去意已决，曼联亦应该放人。
加利尼维利话：「C朗过去20年取得惊人成就，属於史上最佳球员之一，佢今次转会事件好快被人遗忘，不过我作为前曼联队长，睇见C朗现时情况，都会觉得唔高兴，过去几年亦有呢种情况出现，例如普巴，但唔一定系普巴嘅错，而系佢嘅经理人从中作梗。」
据悉C朗嘅经理人佐治文迪斯今夏四出联络各大球会，包括拜仁慕尼黑、巴黎圣日耳门、车路士、马体会，希望促成C朗转会，但都未能成功。
另外，加利佬亦指出唔可以由球员控制球队，如果C朗想离队，会方就应该安排佢走人，以免破坏领队坦哈格嘅计划。
