连格即将约满离开曼联,佢兄长喺网上发文炮轰,认为细佬喺曼联效力20年,但早前主场谢幕战唔畀佢上阵同球迷告别系不近人情,名宿加利尼维利认为连格唔配得到告别机会,即使系加利佬自己,当年都系喺西布朗厕所内被告知遭曼联弃用。
加利佬认为连格唔配获得告别机会:「好多人为连格讲好说话,但有好多都系废话,话佢喺曼联好多年,踢得好,不过就算系白赖仁笠臣同布鲁士,呢两位队长都冇得喺最後一场比赛上阵,所以我唔知点解连格觉得自己可以告别,其实我都系喺西布朗厕所内被曼联抛离嘅。」
佢继续话,球员能否上阵与表现有关:「想落场比赛,你必须有表现,除咗迪基亚同C朗,曼联其他人都唔可以抱怨。」