C朗去留有新进展，英国传媒报道，呢位葡萄牙巨星已告诉队友决定留队，希望协助「红魔鬼」重返欧联，并赢得1项冠军；另边厢「万人迷」碧咸亦发声，力撑C朗留队。
消息指，C朗在更衣室表明，自己唔会主动转会，除非球会唔想佢留队。曼联今季表现低迷令人失望，但全队最失望嘅就系C朗，佢向队友表示，唔会喺球队跌落谷底时离开，打算竭尽全力协助曼联重返欧联，同时并会协助球队打破锦标荒，来季至少赢取1项锦标。
C朗同时表明，虽然佢本人意愿留队，但都要视乎新领队坦哈格取态，如果对方唔愿意同自己合作，C朗亦唔会难过，亦唔会後悔今次回巢。
C朗嘅决定获得「万人迷」碧咸声援，咸爷指出：「我知道曼联对於C朗嘅意义，以佢呢个年纪，仍然能够取得如此多入球及创造机会，实在难以置信，我希望佢继续留喺曼联，一年或者两年。」
