英国《太阳报》爆料,指1位效力英超球会嘅英格兰国脚上年4月嫖妓,搵咗1位变性人,双方曾经进行多次性交易,事後呢位球员遭对方勒索3万镑,最终报警求助。
据悉呢位英格兰国脚上年4月喺网上寻找妓女,千挑万选之下,拣咗1位变性人,并请「女方」到佢寓所进行性交易,每次费用为150镑。
经过多次交易,呢位妓女私下纪录双方对话及交易内容,并作出勒索3万镑,呢位「咸湿仔」惟有畀钱,希望息事宁人,但之後继续受到对方勒索,结果都系要报警。
英国警方上年6月拘捕该名变性人,但因为「受害者」唔想搞大件事,惊畀人知道佢嘅身份,所以唔愿再提供资料,令案件一度搁置。
基於私隐问题唔可以公开嫖妓球员姓名,但有消息人士指该位球员自从事件之後,表现就走下坡,亦冇人知道佢当时嫖妓,是否清楚该名妓女系变性人。