曼联公布C朗当选球队4月最佳球员,亦系呢位37岁老将今季第4次获得红魔鬼月份最佳球员殊荣,属於队内最多一人,可见曼联始终要靠C朗支撑大局,难怪候任主帅坦哈格希望佢下季继续留队。
C朗上月为曼联上阵4场,射入5球,包括对诺域治一役,上演帽子戏法,而对2支劲旅阿仙奴及车路士,亦各入1球,表现光芒四射,攞到呢个奖绝对实至名归。
C朗喺社交网上话:「感谢所有投票畀我嘅球迷,以及感谢帮助我再次获奖嘅人,我为效力曼联呢种伟大球会感到自豪。」C朗喺上年9月、10月、今年3月及4月,合共4次当选曼联月份最佳球员,门将迪基亚曾於上年11月、12月及今年1月,连续3次当选,证明2人的确系曼联攻守方面不可缺少嘅主力。
至於其余2个月份得主系上年8月格连活特,今年3月查顿辛祖。