曼城大好形势下欧联出局，哥迪奥拿再度无缘欧联，赛後有传媒指出，曼城同哥迪奥拿似乎中咗「非洲魔咒」，诅咒内容系「赢唔到欧联」，发出呢个毒咒者，系名宿耶耶托尼经理人图雷。
耶耶托尼於2010至2018效力曼城，系曼城崛起嘅功臣之一，不过佢2018年离队期间传闻闹得颇不愉快，佢经理人图雷向曼城落诅咒：「大家见到，哥迪奥拿赶走耶耶托尼，系同整个非洲作对，我诅咒佢，非洲萨满（练习萨满教仪式的人）唔会畀佢再赢欧联。」
诅咒嘅事好玄妙，哥迪奥拿一直攞唔到欧联冠军亦系事实，佢上季领军杀入决赛，但最终输畀车路士得亚军，而今季喺领先皇马大好形势下，喺完场补时被扳平，再喺加时落败，相当邪门。
至於耶耶托尼离队同曼城闹得颇不愉快，有传系「生日蛋糕事件」嘅延续，传闻有一年耶耶托尼喺煞科日生日，有人送上大蛋糕，但冇队友同佢庆祝，自此耶耶托尼心怀怨恨，认为不受尊重，後来哥迪奥拿上任，又传哥帅唔锺意非洲球员，当耶耶托尼离队，其经理人就向哥帅落诅咒。
