C朗去留又出现变数,上仗曼联主场3比0击败宾福特,传媒报道佢赛後向电视镜头讲「我仲未结束」,当时所有人都解读为留队宣言,不过C朗其後喺IG澄清「我冇讲过」,推翻先前认为佢会留队嘅预测。
自从不敌阿仙奴,曼联嘅欧联席位机会渺茫,有关C朗来季去留就出现唔同讲法,有指C朗绝不会降格参加欧霸盃或欧协联,曼联无缘欧联後,C朗势必离队加盟欧联争冠份子,曾传出下一站去皇马、巴黎圣日耳门,甚至拜仁都有。
英国传媒又详细分析C朗当晚奥脱福主场谢幕战嘅赛後举动,当时C朗不停向看台挥手同鼓掌,可以解读为向球迷告别。
不过C朗去留最大变数,就系新主帅坦哈格,报道指C朗同坦哈格两大巨头仍未有正式接触,一切要等坦哈格上任,同C朗会面才有定案。